|
Во нашите воздушни сончеви
системи, квалитетот на воздухот започнува уште на влезот во колекторот.
Пред воздухот да биде загреан и внесен во просторијата, тој поминува низ
внимателно избран систем за филтрација.
Се применуваат различни
HEPA филтри со различна
густина, во зависност од степенот и видот на загадување на надворешниот
воздух. Правилниот избор е клучен. Доколку филтерот е премногу густ, се
зголемува отпорот на струење, што бара посилен вентилатор и поголема
потрошувачка на енергија. Од друга страна, филтер со мала густина има
поголема пропусност, при што дел од штетните честички како
PM2.5 и
PM10 можат да навлезат во
системот.
Филтерот за воздух е
поставен на првиот воздушен колектор, во долната зона на влезот на
воздух. Над него е поставена алуминиумска заштитна решетка, која лесно
се демонтира. Ова овозможува брз пристап за вадење и замена на филтерот
доколку е премногу загаден.
Се препорачува почеста
проверка и замена на филтерот кога надворешниот воздух е со зголемено
ниво на загадување, со цел да се одржи оптимален проток, енергетска
ефикасност и висок квалитет на воздухот во просторијата.
Во случаи на специфично
загадување (индустриска прашина, чад, полен или гасови), се применува
соодветна комбинација на филтри и вентилација, согласно реалната
состојба и барањата на клиентот.
Со правилно димензионирана
филтрација, воздушниот колектор не само што загрева, туку и обезбедува
почист и поквалитетен воздух во просторијата. |